इनरुवा । जिल्ला प्रशासन कार्यालयले साउन २६ गतेसम्म जिल्लामाा निषेधज्ञा जारी गरेको छ । कोरोना भाइरसको संक्रमण समूदायस्तरमा पुगेपछि सुनसरी प्रशासनले निषेधज्ञा जारी गरेको हो ।
बुधबार बसेको जिल्ला स्तरको कोभिड ब्यवस्थापन समूहको बैठक साउन २१ गतेदेखि २६ गतेसम्म जिल्लाभर आवागमन नियन्त्रण गर्न निषेधित क्षेत्र घोषणा गरेको हो । बैठकमा प्रमुख जिल्ला अधिकारी फणिन्द्रमणि पोखरेल, सुनसरी प्रहरी प्रमुख कमल थापा, शसस्त्र प्रहरीका प्रहरी उपरीक्षक माधवप्रसाद पौडेल, इनरुवा नगरपालिकाका प्रमुख राजन मेहता लगायतको उपस्थिति रहेको थियो ।
बैठकले जिल्लाका इनरुवा, दुहबी, इटहरी, बराहक्षेत्र जस्ता स्थानीय तहका बजारमा स्वाब संकलन गर्दा कोरोना संक्रमण बढेकाले संक्रामक रोग ऐन २०२० बमोजिम जिल्लामा निषेधज्ञा जारी गर्ने निर्णय गरेको हो । निषेधज्ञाको अवधिमा सरकारी र सार्वजनिक संस्थाका कर्मचारीले आवतजवात गर्न पाउनेछन् । त्यस्तै सरकारी र अत्यावश्यक सेवाका सवारी साधन चल्नलाई समेत छुट दिइएको छ ।
त्यस्तै उद्योगका कच्चा पदार्थ र उद्योगबाट उत्पादन हुने सामाग्री बजार लैजान समेत छुट दिइएको छ ।