इनरुवा । सुनसरीको सदरमुकाम इनरुवा नगरपालिकामा लकडाउन गरिएको छ । नगरपालिकाले मंगलबार पत्रकार सम्मेलनको आयोजना गर्दै साउन २६ गतेसम्म लकडाउनको घोषणा गरेको हो ।
इनरुवा नगरपालिकाका प्रमुख राजन मेहताले परिस्थिति झन जटिल बन्दै गएको जनाउँदै लकडाउनको घोषणा गरिएको जनाए । उनले समूदायस्तरमा कोरोना संक्रमण फैलन सक्ने बताउँदै अत्यावश्यक सेवा बाहेक अन्य सबै सेवा बन्द हुने जनाए । आजै साँझ ४ बजेदेखि लकडाउन हुनेछ ।
इनरुवामा रहेको जिल्ला प्रहरी कार्यालयमा कार्यरत प्रहरीमा सोमबार र इनरुवा काँग्रेसका युवा नेतामा मंगलबार कोरोना भाइरस संक्रमण पुष्टि भएको थियो ।