विराटनगर । प्रदेश १ मा पछिल्लो २४ घण्टाको अवधिमा ५७ जनामा कोरोना संक्रमण देखिएको छ । जसमध्ये मोरङ जिल्लामा सबैभन्दा बढी ४६ जना रहेका छन् । त्यस्तै झापामा ६ र सुनसरीमा ५ जनामा संक्रमण देखिएको सामाजिक विकास मन्त्रालयले जनाएको छ ।
मोरङको विराटनगरमा २६ जनामा संक्रमण देखिएको छ । जसमा १६ पुरुष र ६ महिला रहेका छन् । रंगेलीमा १३ पुरुष, ९ महिला गरि २२ जना, कटहरीमा २ महिला, झापाको अर्जुनधारामा ५ पुरुष , विर्तामोडमा १ महिला, सुनसरीको इटहरीमा ३, धरान र इनरुवामा १–१ जना पुरुषमा कोरोना संक्रमण पुष्टि भएको छ ।
सामाजिक विकास मन्त्रालयका प्रवक्ता डा.सुरेश मेहताका अनुसार प्रदेश १ मा कोरोना संक्रमितको संख्या १ हजार १ सय २८ पुगेको छ । त्यस्तै प्रदेश १ बाट आज ८ जना डिस्चार्ज भएका छन् । वीपी कोइराला स्वास्थ्य विज्ञान प्रतिष्ठान धरानबाट ३ महिला र ५ पुरुष डिस्चार्ज भएका छन् । प्रदेश १ मा डिस्चार्ज हुनेको संख्या ८ सय २९ पुगेको छ ।