विराटनगर । इलाममा १७ जना शसस्त्र प्रहरीमा कोरोना भाइरसको संक्रमण देखिएको छ । इलाममा रहेको शसस्त्र प्रहरीको नम्बर १ गणमा कार्यरत १७ जनामा कोरोना भाइरस संक्रमणको पुष्टि भएको स्वास्थ्य कार्यालय, इलामका प्रमुख बृजकुमार दासले विराटपथलाई बताए ।
‘ सो गणमा पहिलो ६ जनालाई संक्रमण देखिएको थियो । उनीहरुलाई देखिएपछि हामीले कन्ट्याक्ट ट्रेसिङ गरेका हौ ।’ प्रमुख दासले विराटपथलाई भने, ‘संक्रमितलाई हामीले गोठगाँउ पठाएका छौ । अन्य थप सर्तकता अपनाउने कामपनि जारी छ ।’
कन्ट्याक्ट ट्रेसिङमा ४० जना सशस्त्र प्रहरीको स्वाव संकलन गरिएको थियो ।