विराटनगर । प्रहरीले लुटपाटमा संलग्न भएको आरोपमा चार जनालाई पक्राउ गरेको छ । विराटनगर २ का दीपेन्द्र विश्वास बैशाख ११ गते साँझ लुटिएका थिए । साथीसँग स्कुटरमा घर फर्कदै गरेका विश्वासलाई मुखमा रुमाल बाँधेको एक समूहले लुटेको थियो ।
जिल्ला प्रहरी कार्यालय मोरङका अनुसार लुटेराहरुले विश्वासको साथमा भएको दुई थान मोवाइल र केही नगद लुटेका थिए । सो लुटेरा समूहलाई प्रहरीले विराटनगर ५ स्थित चौबाटोमा पक्राउ गरेको जनाएको छ ।
पक्राउ पर्नेमा विराटनगर ५ को १९ बर्षिय सुरज उराँव, सोही वडाका १९ बर्षिय राकेश सतार, २१ बर्षिय अजय सतार र २२ बर्षिय अनिल उराँव रहेका छन् ।